أغير صحابي ليه؟ ج: لأن الصاحب ساحب

أنا عايزة ألتزم

نفسي أوي أبطل أغاني بوظت قلبي وقافلة بيني وبين ربنا

نفسي أوي أغض بصري وأبقى عفيفة وأبطل تعليقات على الولاد

نفسي أظبط حجابي وابطل ميك آب ونمص


بس هوه ليه يعني لازم أصاحب متدينات!!

أصل دول صحابي من زمان ومرتحالهم !!


اقولك أنا ليه

صلى على حبيك محمد صلى الله عليه وسلم


النبي قال (الرجل على دين خليله فلينظر أحدكم من يخالل)

يبقى أضعف الإيمان نعمل صحبة صالحة تشدنا لطريق ربنا

عشان منبقاش قاعدين في مجالس كلها سمعتي اخر اغنية شوفتي الفيلم الجديد ده زميلنا صاحب فلانة إلا انا بقى اتعرفت على واحد في الشات


أول مرة رد فعلك هيبقى لا يجوز انا ربنا تاب عليه

تاني مرةهتفتكري غصباً عنك الأيام الخوالي وقلبك يحن
تالت مرة تسبيها تسمعك جزء ونرجع نقول ياااااه معقول انا رجلي اتسحبت تاني

وزي ما بنقول الصاحب ساحب

: ) والزن على الودان .....
ودي اصلا طبيعة النفس البشرية بتتأثر بإلى حواليها فليه منحطش نفسنا في وسط صالح ونسيبه يشدنا لطريق ربنا؟

يبقى الحل

ننزل دار تحفيظ قرآن مثلا
درس لداعية ثقة واسلوبه كويس
جمعية خيرية بنات بس

وبعدها مش هتبقى الدنيا خنقة ممكن تاخدو بعض وتخرجوا مكان كويس مفهوش مخالفات وتتبسطوا
أو تتقابلو في بيت واحدة منكم وتاخدوا راحتكو

انا مش بقولك تقطعي صحابك لكن عشان منرجعش تاني يبقى نجبهم على أرض السفارة بتاعتنا مكان من الاماكن الى قلتهم ليكي ونمنع خالص اي كلام ممكن يجبنا لورا تاني

حد مش عايز يغير صحابه ؟
فضفضي واحنا هنفضفض معاكي