دعوة للمناقشة

موضوع: دعوة للمناقشة الأحد أبريل 05, 2009 3:13 am

بسم الله الرحمن الرحيم

السلام عليكم ورحمة الله وبركاته..

تضج الافكار وتتزاحم المواضيع في عقلي الصغير بقضايا اجتماعيه بشكل عام

واسريه بشكل خاص لاادري كيف اطرحها لكي ننقشها فهي تؤرق مضجعي ولكن

اخشى ان لااجد التفاعل الممتاز واصاب بالاحباط باكثر مما انا مصابه به الآن فمن

هذه المواضيع التي لها بدايه وليس لها نهايه ( التعدد_ الطلاق_ الزواج عن طريق

النت _ موت العواطف بين الزوجين _ العنوسه _ ..... الخ )

اتمنى ان اجد تفاعل وذلك باختيار موضوع من المواضيع للنناقشه علما بأننا

سنناقش جميع المواضيع ولكن اتمى ان تكون البدايه والا ختيار منكم..

والله الموفق

شكرا يا جنة على الموضوع بجد تخفة وفى دمقراطية

انا عن نفسى هختار الزواج عبر النت عشان القضية دة انتشرات كتير

وياريت نتكلم فيها

مين يشاركنى الراى

شكرا مرة تانية على التوبيك

وانا عن نفسي بختار الحب !!! عبر نت
تحب شخص ماشفته ولا شافك بس كلام ؟
وياريت نتكلم فيها

مين يشاركنى الراى بعد انا ؟؟

تقبلو تحياتي

السلام عليكم

ايه رأيكم نبتدي انهارده ونتكلم عن العنوسه يعني مثلا نعرف اسبابها ومشاكلها وحلها وعلي فكره موضوع العنوسه هايوصلنا لكل المواضيع التانيه يعني مثلا هايوصلنا ايه اللي بيخلي البنت تلجأ للنت علشان تبحث عن عريس وازاي البنت بتهرب من العنوسه بأنها برتضي بأي شخص يتقدملها وبسبب كدا بيوصلوا بالطبع للتعدد او للطلاق

تحياتي وتقبلوا مروري

اية دة يا جماعة دة مافيش حد اتفق على حاجة وحدة بصراحة هى جنة جايبة المواضيع كلها بتوصل لبعضها

فا انا هختار العنوسة وياريت كلنا نختارها علشان نوصل لمناقشة شكرا يا جنتى على التوبيك التحفة دة

وانا موافقة نتكلم عن العنوسة

تسلم ايدك يا جنتى علي الموضوع

تقبلي تحياتى وفي انتظار المناقشات وهكون متابعة معاكو دايما

جنه ياريت تقفلي باب التصويت ويالا بينا نفتح الموضوع

تحياتي للجميع

خلاص يا جماعة احنا قفنا التصويت ياريت نبتدى نتناقش فى مشكلة العنوسة ونشوف لها حل

وليا عودة ان شاء الله

السلام عليكم ورحمة الله وبركاته
بما اننا هانتكلم في موضوع العنوسه ياريت كنتي تبتدي انتي الموضوع الاؤل ياجنه بس علي العموم مفيش مشاكل خلونا نتكلم عن اسباب العنوسه او ايه هي الحاجات المؤديه للعنوسه وهانتكلم بالامثله
مثلا اي واحده من وهي عندها 14سنه بتحلم بفتي احلامها بس للاسف مش كلهم بيحلموا زي بعض لا في واحده تحلم انه يكون ابيض وعينه خضراء ويكون راجل في مركزمرموق يكون يكون............................الخ بس للاسف بتنسي اهم حاجتين الدين والنسب وتفضل تحلم لحد مايكون عندها 20سنه تبتدي تسعي لتحقيق وتقع فريسه لاؤل لشخص يقولها كلمة السر وهي بــــــــــحــــــــــــــــبــــــــــــك ويفضل معاها لحد مايكون عندها 26سنه وكل يوم يقولها بكره هاتقدملك وفي الاخر تلاقي نفسها وقعت فريسه لانسان لايخاف الله وتلقيه راح اتجوز واحده تانيه وهي يعني بئا عنده 27سنه يعني دخلت في العنوسه

شكرا
تقبلوا تحياتي ومروري

اخى سولي انا شايفة انك اخدت الموضوع من وجهة نظرك

واختلاف الرأي لا يفسد للود قضية

انا مختلفة معاك تماما

هو ممكن رأيك يكون معقول نوعا ما لكن تبقي هبلة اللي تستنى واحد

كل الفترة دى ومعندهاش عقل تعد 7 سنين ويكون اخد منها كل شىء عمرها ضيعته معاه

وفي الاخر اخدت استمارة 6

دى تبقي هبلة ومفكرتش صح

وبعدين الانسان اللي زى كده بيتعرف بيبقي بيلاوع في الكلام

معلش هجيلك بكرة وانتى عارفة الظروف والجوابات والكلام اللي مالوش لزمة ده

وجهة نظري انا بقي

شايفة ان سبب ارتفاع نسبة العنوسة

ان الشباب مبقاش لاقي ياكل اصلا بسبب المعيشة اللي احنا فيها

والجميع بيعانى منها

لو كان فيه ظروف كويسة في البلد متهيئلي مكنش هيبقي فيه عنوسة بالعدد المهول ده

ولكن ربنا كريم قادر علي كل شىء

ومش غلط ان البنت تفكر انها تحب وتتحب

بس تحب صح في حاجة متغضبش ربنا

واللي يقرب من ربنا ربنا بيديله كل خير

طالما ماشيين في الطريق الصحيح

والعنوسة السبب فيها المستوى اللي وصلنا ليه في الوقت الحال

واحيانا بيجى وقت وترتفع فيه نسبة الجواز

وذلك بتسهيل من الله للشباب والبنات

ولكن تظل نسبة العنوسة كبيرة

اتمنى من الله ان يسهل لنا جميعا شباب وبنات الزواج وييسر لنا طريقنا الي الخير يارب العالمين

تحياتى ومستمر ومتابعة معكم في هذا الموضوع

تقبلو تحياتى واسفة جدا علي الاطالة

كلامك صح طبعا بس اللي انتي مخدتيش بالك منه اني قولت ده علي سبيل المثال وليس الحصر بس صدقي ان المثال ده حقيقي ومش بس تكون البنت دخلت في العنوسه لا وكمان ممكن تكون فقدت اشياء كتير وفي امثال تانيه كتير وفي اسباب اكتر.
واسمحيلي اختلف معاكي في الرأي مش فكل الاوقات نشيل زمانا السبب او حالتنا الاقتصاديه السبب
اللي عاوزك تتأكدي منه ان اي شاب عنده امال وطموحات لازم يسعي لتحقيق هدفه وده كان بيرجع للاهل ان لازم الاهل يربوا فيه انه يعتمد علي نفسه انما اللي بنشوفه دلوقتي ان الواحد بعد مايتخرج يستني لحد مايشوف وسطه علشان يشتغل ليه هو ميعتمدش علي نفسه ويسعي لتحقيق هدفه اي شاب دلوقتي بيهرب من انه يشيل المسئوليه وللاسف اننا بنرمي علي الدوله وعلي الزمن
وده رأي وزي ماتفقنا الاختلاف في الرأي لايفسد للود قضيه

تحياتي للجميع

رايك تمام طبعا

بس دى حقيقة انا شيفاها

فين الشاب اللي يتخرج ويلاقي شغلانة دى حاجة

الحاجة التانية هيجيب منين وسطة ولنفرض مثلا انه اهله علي اد حالهم

وحتى لو علي سبيل المثال برضه انه ليه اصدقاء

ومعرفوش يجيبو الوسطة دى

وبالتالي هيجيب منين مبلغ انه يعتمد علي نفسه

علشان يفتح مشروع مثلا واى شغلانة محترمة دلوقتى لازمها الوسطة

ولو اشتغل اى حاجة تانى هيعد اد عمره علشان يجمع مبلغ يقدر يادوب يجيب بيه دبلة

انا فعلا يا سولي بحمل البلد المسؤلية دى

هى اللي وصلت الشباب للحال ده

لانه بقي في المقام الاول الوسطة ويخلو الشباب التانى عاجز

وللاسف حال الشباب في الوقت الحاضر نيلة خالص

وده اكبر سبب للعنوسة لو حال الشباب متيسر كان زمان كله مرتاح

لكن ليه مينفعش لازم الشاب يشقي والبنت تعد عشرين سنة عقبال متتجوز

وبرضه اختلاف الرأى لا يفسد للود قضية

وفي انتظار باقي الاراء

السلام عليكم ورحمة الله وبركاتة
سولى شكرا على المناقشة بس انا بختلف معاك شوية
نوسة يمكن كلامك فى بعض الصحة وبردو بختلف معاكى شوية
دة طبعا من وجة نظرى

ندخل فى الموضوع

فعن أنس بن مالك رضي الله عنه قال : قال رسول الله صلى الله عليه وآله وسلم : من أشراط الساعة ـ وذكر منها ـ وتكثر النساء ويقل الرجال حتى يكون لخمسين امرأة القيم الواحد - رواه البخاري

هل الفقر والبطالة هما السبب الرئيسى للعنوسة؟؟
هل تؤيد ان الفقر ابو الأسباب؟ والعطالة امها؟
للعنوسة اسباب مختلفة تتنوع بختلاف البيئات
وبأختلاف البشر عقولهم وامكانياتهم
كم من شاب فقير استطاع ان يتزوج ويكون اسرة
وكم من شاب غنى وميسور الحال لم يتمكن من ان يتزوج؟
اذا ليس المادة والحالة الاقتصادية سبب رئيسى.
و لو كان السبب هو التعليم وسنواته الطويلة فلا اظن انه يمثل ايضا سبب لان هناك الكثير ممن أكمل دراسة وهو متزوج
سبب اخر يتهمونه وهو فكرة عدم الزواج لعدم المشاكل والنكد
ايضا يقولون نؤجل الزواج حتى نحقق طموحاتنا
ويقولون البنات اكثر من الشباب وما حدش هيعرف يتزوج
وناس تانية تقول نخاف من الفشل ويجب ان نتريث ونختار صح
طيب فين صلاة الاستخارة والتوكل على الله
شباب تانى يقولوا اصل البنات ما بقيتش مؤدبة
وبنات تقول الشباب مش شايل مسؤلية

نبحث عن الحلول

طيـــــــــب نفكر فى الحل

الحل بسيط فى ايدينا
** كل بنت او شاب يجب يكونوا على ثقة انهم مش هيتزوجوا غير زوجهم اللى ربنا قسمه لهم

** لو نعرف بنت مش متجوزة وشاب عايز يتزوج نحاول نجمعهم ونسعى للتوفيق بينهم

** حث الآباء على مساعدة الشباب وعدم تحميلهم اكثر من طاقتهم
** الأهم من كل ذلك هو الرضا بما قسمه الله لنا ولا نفترى على الله ونشتكى عسى أن يكون تأخير الزواج لأمر فيه خير

** يا شباب خلى بالكم ان الشيطان دايما بيفرق يعنى الشاب الى يروح يخطب بنت وبعدين يقول اصلى ما ارتحتلهاش ولا البنت اللى تقول اصلى ما استريحتلهوش فكروا وصلوا وأصبروا وأستعيذوا بالله من الشيطان ولا تتسرعوا فى حكمكم
عسى ان تكرهوا شيئا هو خير لكم

وليا عودة ان شاء الله

كلامك مظبوط ياقمر

ولي عودة بالرد مرة اخري

تقبلي تحياتى

راي صحيح طبعا بس ياتري فين اللي بيعمل الكلام ده ومين اللي بيعمله بئا قليل اووووووووي ياجماعه احنا ادام مشكله كبيره
هو بيروح يتقدم ابوها يرد عليه احنا بنشتري راجل وامها في ايديها ورقه وتقعد تمليه يعني عليه وبعد ماتخلص الورقه تفهمه انها كدا واقفه معاه
وياألف خساره علي الزمن الجميل امتي نرجع للزمن ده مكنش حد بيشيل للجواز هم
يارب كل واحد يرضي بالقسمه والنصيب
ولعل الجميع يعمل بقول النبي صلي الله عليه وسلم
فيما معناه
اذا أتاكم من ترضون دينه فزوجوه

شكرا وتقبلوا تحياتي ومروري

طبعا انا بتكلم من وجة نظرى المتوضعة انا شايف ان السبب الرائيسى للعنوسه هوة انا معظم الشباب والشبات مش حسين بالمسؤلية الشباب بيقضوة فترة كبير من عمرهم فى كل مالا ينفع بمعنى الدراسة رغم انها شىء مهم بس الشباب بتروح الجامعة علشان تهرج وتقعد فى الجناين ويحبوة ويصحبوة وبعد كدة يكتشفوة انهم متعلموش حاجة ومش عرفين يعملوة اية طبعا صعب ان شاب يشيل مسؤلية بعد انة قضى 21 سنة تقريبا عايش بيهرج طبعا دلوقتى مفيش شغل وهوة مش هيوجع دماغة طبعا مهوة واخد على عدم المسؤلية طبعا الكلام دة على اغلبية الشباب مش كلهم طبعا الى معملش كدة هوة الى انقز نفسة طبعا والاهم من التعليم الدين ودة عند معظم الشباب مهجور طبعا ان الصلاة تنهى عن الفحشاء والمنكر اكيد الى مش بيصلى بيعمل الفحشاء والمنكر مش شرط انة يكون فاشل لا ممكن يكون ناجح بس دة نجاح مؤقت لان الله يهد ويضل من يشاء يعنى بايد ربنا استحاله واحد ربنا يرفعة وهوة مش بيسعى له انا شايف ان العنوسه دة ابتلاء من الله على الشباب والشبات والله اعلم والحل الاسلام ان كل من الشباب والشبات يراعوة ربهم الى خلقهم هما ومشكلهم وربنا يهدينى ويهديكم

الكلام الي قلتوه صحيح

وانا شايف انه من اسباب العنوسة

الشب قاعد على القهوة لا شغلة ولا مشغلة
طيب وليه قاعد على القهوة عشان من يوم ماتخرج مش لاقي شغل
لانه اصحاب الشركات بيطلبو البنات للعمل والشباب (لاتعليق) والنتيجة

البنت شغاله وبتاخد مرتب والشب قاعد على القهوة
طيب ازاي هيتقدم الشب للبنت وهو مابيشتغلش

السلام عليكم

ف البدايه : اتمنى انكم تقبلونى معكم اخ وصديق للجميع

وتتقبلو كلامى مع العلم ان الاختلاف ف الرأى لايفسد للود قضيه

ثا نيــــا : انا بشكر المشتاقه للجنه ع الموضوع لان بصراحه من اهم فوائد المنتدى هى اننا نسمع بعض

ونحاول نتعرف ع شخصيات مختلفه من الممكن انها تؤثر بالايجاب ع الجميع ان شاء الله

ثالثـــــــــــا : وهو ما يتعلق بموضوع العنوسه

من وجهه نظرى المتواضعه......فى ثلاث اشياء سبب رئيسى علاوة ع مجموعه من الامعوقات الفرعيه

1_ الحاله الاقتصاديه والاجتما عيه

بصراحه فى حاجات بقت غريبه ف مجتمعنا الشرقى خاصه فى مصر وهى ارتفاع تكاليف الزواج بشكل هستيرى

حاجه تمنع اى اتنين فى بدايه حياتهم من التكيف مع الوضع والتأقلم على مستوى معيشه معين وكمان بصراحه علاوة

على تشدد بعض الاسر فى متطلبات الزواج بشكل اكبر من الواقع بكتير ؛ مرورا بمشكلات الشقه والجهاز والفرح

وغيرها

2_ الولد الراجل والبنت " المرأه"

هى ممكن تكون غريبه لكن بصراحه بقا كتير جدا من شباب النهارده "مش عايز اقول لفظ مش كويس "

لكن دى حقيقه كتير من شباب اليومين دول لا يعتمد عليه وبيكون هدفه من التعرف ع اى بنت روشنه او فسح فقط .

وكمان البنت بقت حاجه تا نيه غير ما يجب ان تكون وفى نوعيه من البنات بصراحه تسير الاشمئزاز سوء

من تصرفاتها او افعا لها او حتى تعا ملها مع الناس وعلاقتها بالاخرين ؛ والله يا جماعه الحاجات دى بتأثر بشكل

سلبى كبير على مفهوم الولد لدى البنت والبنت لدى الولد اكيد مدام الاتنين عا يشين ف مجتمع واحد ؛

وكل منهما مراه للأخر وكتير نسمع دلوقتى

مفيش ولد راجل او مفيش بنت محترمه

3_ علاقه الشباب بالله عز وجل

بصراحه دى هى اهم ما فى الموضوع كتير جدا من الشباب بعيد ان الله عزوجل ؛ حتى لما بيعمل علاقه مع بنت

وان كان الغرض منها الزواج بيخفيها وكمان بيكون له طرق وحاجات لا يرضى بها الله لذلك لا يكتب لكثير منها

النجاح . لكن من كانت علاقته بالله خير فربنا ان شاء الله هيرزقه الخير بأذن الله .

معلهش ع الاطاله واتمنى اكون افدت ذى ما استفدت....

انا مع مناقشة مثل هذه المواضيع على النت ولكن قد اتحفظ على مسالة الزواج عن طريق النت وبارك الله فيكم

السلام عليكم ورحمة الله وبركاته ... اسمحوا لي إخواني أن انضم إليكم لأعرض لكم رأيي وأستفيد من آرائكم.. في البداية .. الحمد لله الذي شرع لعباده نسك الطواف .. والصلاة والسلام علي خير من حج وطاف .. وعلي آله وأصحابه الطيبين الأشراف .. خير من صلي وصام .. وأوتر بالليل والناس نيام .. وأقام دولة الإسلام وحطم دولة الأصنام .. والحمد لله علي الإيمان .. والحمد لله علي نعمة الأوطان .. والحمد لله علي الصحة في الأبدان .. والحمد لله علي أن جمعنا أحبة وإخوان. الحمد لك لا ند لك .. من عالم الذر الخفي إلي الفلك.. ما سار وطار فيه أو سلك.. ما كان انس وجن أو ملك.. من عاش في الدنيا مديدا أو هلك.. وكان في الدنيا وضيعا أو ملك.. الكل قد شهدوا أن الحمد لك والشكر لك .اختلف مع الأخ سولي في ذكره (وتفضل تحلم لحد مايكون عندها 20سنه تبتدي تسعي لتحقيق وتقعفريسه لاؤل لشخص) . وأيضا اختلف مع الأخت أميرة في ذكرها (ومش غلط ان البنت تفكر إنها تحب وتتحب ) . وأتفق مع الأخت مشتاقة في كون الفقر والبطالة من الأسباب وليس الأهم فمن وجهه نظري أعتقد أن أهم الأسباب في مجتمعنا العربي هو الآتي :

1- دراسة المرأة الأمر الذي أدى إلى تفاوت كبير في المستوى التعليمي بين كثير من الشاب و الفتاة فأحجم الشباب عن الفتاة المتعلمة خوفاً من تعاليها عليه وإحساسها بالتميز

2- المغالاة في المهر ومصاريف الزواج لدرجة أن الشاب أصبح يعتقد أنه سيكبل بالأغلال إذا ما أقدم على هذه الخطوة

3- الزواج من الأجنبيات خاصة هنا في دول الخليج أضف إلى ذلك انتشار الزواج العرفي وإقبال الشباب على الإنترنت

فالله عز وجل يقول: (وَأَنكِحُوا الأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللهُ مِن فَضْلِهِ وَاللهُ وَاسِعٌ عَلِيمٌ) [النور:32]

وعن ابن مسعود رضي الله عنه قال قال رسول الله صلى اللهعليه وسلم }يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء{
وعبد الله بن مسعود رضي الله عنه قال : ( لو لم يبق من أجلي إلا عشرة أيام، أعلم أني أموت في آخرها، ولي طول على النكاح لتزوجت مخافة الفتنة).
والإمام مالك قال : لا يصلح آخر هذه الأمة إلا بما صلح به أولها فما لم يكن يومئذ دينا لا يكون ) .

وفي النهاية أري أن الحل لهذه الظاهرة يكون في العودة إلى دين الله تعالى - والتربية الصحيحة للأجيال من الشباب والفتيات - وزيادة القيم الأخلاقية في البيت والأسرة - وتيسير سبل الزواج -وتخفيف المهور- وتسهيل الطرق الشرعية لاختيار الزوجين - والبعد عن العادات والتقاليد الدخيلة التي لا تتناسب مع قيم ديننا الحنيف.

وصلي اللهم و زد و بارك على سيدنا محمد و سلم
اللهم إن كان صوابا فمنك.. وإن كان خطأ فمن نفسي والشيطان.. والله ورسوله منه بريئان ..

موضوع: مشاركة فعالة الخميس مارس 17, 2011 3:17 pm

الموضوع معقول لكن اللي بدرس احكام الاسلام صح يجد كل الاجوبة واليكم اسم كتاب مع الرابط والذي يوضح كافة القضايا القضايا الاحتماعية في الاسلام
اسم الكتاب
النظام الاجتماعي في الإسلام
الرابط http://www.hizb-ut-tahrir.info/info/index.php/category/categ_125