كدة هبقى مجنونة؟

انــا : اهلا ازيك

انـا بردو : ومالك كده بتقوليها من غير نفس مكنتيش عاوزانى اجى ولا ايه

انــا : لا ابدا عادى يعنى

انـا بردو : طيب ازيك بقى دلوقتى وعاملة ايه

انــا : اهو عايشة هعمل ايه يعنى الحمد لله

انـا بردو : اهو انا مبحبش اللى يقول عايش وخلاص ده ويقوم فى الاخر يقول الحمد لله كانه بيجامل نفسه

انــا : يا ستى الحمد لله على كل حاجة هو انا اشتكتلك من حاجة
وبعدين اهو انا بقى مبحبش مجيتك علشان كده تفضلى تقطمى فيا على كل كلمة بقولها وتعلقى على كل حاجة

انـا بردو : ده بدل ما تفرحى انى بجيلك
يا بنتى انا بجيلك علشان افوقك

انــا : متشكرين يا ستى على اساس انك اصلا تقدرى تعمليلى حاجة

انـا بردو : امال مين اللى يقدر يعملك حاجة
اظن هتقوليلى اخواتى واصحابى واهلى وناس كتير
وهما محدش فيهم هيفهمك ولا يعرف يساعدك زيى مهما كان هو مين

انــا : ربنا كبير يا ستى وانا فعلا معايا اخواتى واصحابى وناس تانية بحبهم

انـا بردو : اه ماشى كلام جميل بس كلام وقت الجد بجد مش بتلاقى غير ربنا وانا بس اللى معاكى صح
اكسبينى بقى وبلاش تخسرينى علشان متخسريش معايا كل حاجة

انــا : بصيتلها وسكت

انـا بردو : ايوة كده يا بنتى اهدى وخلينا حلوين مع بعض
علشان احنا بجد ملناش غير بعض
هتخاصمينى وتبعدى يبقى هتخسرينى وهتوهى
هتصالحينى وتقربى وتفهم بعض هتلاقى ان مفيش حد ادى بهمه انك تكونى صح وصدقينى هتكسبى

انــا : عموما يا ستى انا شكلى مليش غيرك زى ما انتى قلتى
خلينى معاكى اما اشوف هنوصل لايه

انـا بردو : الحمد لله ربنا يهديكى يا بنتى
ومهما تعبتى ولا زعلتى فى الاخر هتلاقينى وهتلاقى نفسك وان شاء الله مش هتندمى

وخلص الكلام ومشيت
يارب ترجع تانى قريب

جميل اوى الحوار ده

بس مش جنان ياقلبي

ده حديث مع النفس جميل اوى

يارب تجيلك تانى قريب

وربنا يرزقك راحة البال يارب العالمين

تسلمى حبيبتى بجد كويس ان الواحد يقعد مع نفسة ويخاطب نفسة وانشاء الله هتجيلك قريب تفبلى تحياتى